எண்ணற்ற நோய்களை தடுக்கும் நடைப்பயிற்சி 

தினமும் 10,000 ஸ்டெப்ஸ்கள் நடப்பது நமக்கு நிறைய பலன்களை தரும். எனினும் இவ்வளவு தொலைவுக்கு நடக்க முடியாதவர்கள் முடிந்தவரை குறிப்பிட்ட தூரத்திற்கு நடக்கலாம்.

   ஆரோக்கிய வாழ்வுக்கு சீரான உணவுப் பழக்கமும் உடற்பயிற்சியும் அவசியம் என்று கேள்விப்பட்டிருப்போம். இருக்கின்ற உடற்பயிற்சிகளிலேயே எளிமையானது எல்லோரும் செய்யத் தகுந்தது நடைபயிற்சி தான். இதன் மூலம் நமக்கு நீண்டகால நன்மைகள் கிடைப்பதாக எண்ணற்ற ஆய்வுகள் தெரிவிக்கின்றன. இதய நலன் காப்பது, உயர் ரத்த அழுத்த கட்டுப்பாடு என்று நாம் ஆரோக்கியத்தை தக்க வைக்க நடைபயிற்சி நல்லதொரு பழக்கமாக அமையும். நாளொன்றுக்கு எவ்வளவு தூரம் நடக்கலாம், அதன் மூலம் நமக்கு கிடைக்கும் பலன்கள் என்ன என்பது குறித்து இப்போது விரிவாக பார்க்கலாம்.

 நாளொன்றுக்கு 10,000 அடிகள்.. தினசரி 10,000 ஸ்டெப்ஸ்கள் நடப்பது நமக்கு நிறைய பலன்களைத் தரும். எனினும் இவ்வளவு தொலைவுக்கு நடக்க முடியாதவர்கள் முடிந்தவரை குறிப்பிட்ட தூரத்திற்கு நடக்கலாம். கடந்த 2022 ஆம் ஆண்டு நடத்தப்பட்ட ஆய்வு ஒன்றில், தினசரி 8,200 அடியெடுத்து நடப்பதன் மூலமாக உடல் பருமன், அமில எதுக்களிப்பு, நீரிழிவு, ஹைப்பர் டென்ஷன் போன்ற பிரச்சனைகளை தவிர்க்கலாம் என்று கூறப்பட்டுள்ளது.

 எவ்வளவு அதிகமோ, அவ்வளவு நல்லது:

 எவ்வளவு நடக்கப் போகிறோம் என்ற கணிப்பு ஒரு பக்கம் இருந்தாலும், நம்மால் முடியும் பட்சத்தில் அதை கடந்தும் நடந்து செல்லலாம். எந்த அளவுக்கு அதிகமாக நடக்கின்றோமோ, அந்த அளவுக்கு அதை அதிக பலன்களை பெற முடியும்.

 உணவுக்குப் பிறகு நடை

 சாப்பிட்டு விட்டு அசந்து தூங்கி விடாமல் ஒரு நிமிடம் காலாற நடந்து செல்வதன் மூலமாக ரத்த சர்க்கரை துரிதமாக அதிகரிப்பதை கட்டுப்படுத்தலாம். இரண்டு அல்லது ஓரிரு நிமிடங்கள் நடந்தாலும் கூட போதுமானது. ஒரே இடத்தில் அமர்ந்திருப்பதை காட்டிலும் எழுந்து நிற்பதும், கொஞ்சமாவது நடப்பதும் நல்லது தான்.

 ஒரு நிமிடத்திற்கு எத்தனை நடை

 நீண்ட தொலைவிற்கு நடப்பதை குறிக்கோளாக வைத்துள்ள நாம் எவ்வளவு வேகமாக நடக்கின்றோம் என்பதையும் கணக்கில் கொள்ள வேண்டும். மணிக்கு 2.5 மைல் வேகத்தில் நடந்து செல்ல வேண்டும். அதாவது ஆண்கள் நிமிடத்திற்கு 87 அடி எடுத்து நடக்க வேண்டும். பெண்கள் நிமிடத்திற்கு 100 அடி எடுத்து நடக்க வேண்டும்.

 எது தடையாக அமையும்?

 நடப்பதால் எண்ணற்ற பலன்களை பெற முடியும் என்று தெரிந்தாலும், தினசரி நம்மை நடக்க விடாமல் தடுப்பது எது? வேறென்ன, நம்முடைய சோம்பலான மனநிலை தான். வாரம் ஒன்றுக்கு குறைந்தபட்சம் 150 நிமிடங்களுக்காவது நடை பயிற்சி செய்திருக்க வேண்டும். விறுவிறுப்பான நடை நல்ல பலன் தரும். கைகளை இயல்பாக வீசியபடி நடக்கலாம்.

 தவிர்க்க வேண்டிய தவறுகள்

 நடக்கும்போது தரையைப் பார்த்துக் கொண்டு நடந்தால் கழுத்து வலி ஏற்படக்கூடும். நிமிர்ந்த நடை கொண்டு செல்ல வேண்டும். தோள்பட்டைகள் ரிலாக்ஸ் ஆக இருக்க வேண்டும். தலையை நேராக வைத்துக் கொள்ளுங்கள். நடக்கும்போது அல்லது நடந்த பிறகு ஏற்படக்கூடிய கடுமையான வலியை அலட்சியம் செய்ய வேண்டாம். நீடித்த பலன் கிடைக்க இடைவெளியின்று தினசரி நடக்க பழகிக் கொள்ளுங்கள்.